مظفر آباد : تحریک انصاف کے چیئرمین عمران خان نے کہا کہ اسحاق ڈار جب بھی وزیر خزانہ بنا، ملک کا دیوالیہ نکال کر گیا۔ جمعرات کو مظفرآباد میں جلسے سے خطاب کرتے ہوئے انہوں نے الزام لگایا کہ جب سے یہ امپورٹڈ حکومت آئی ہے پاکستانی روپیہ 33 فیصد نیچے گرا ہے۔ ان لوگوں کو ڈیل کر کے ملک میں واپس لانے سے بڑا جرم نہیں ہو سکتا۔انہوں نے کہا کہ اگر ان لوگوں کو این آر او دینا ہے تو غریبوں کو کیوں جیلوں بند کیا ہوا ہے۔عمران خان کا کہنا تھا کہ ۔ اگر آج ہم نے چپ کر کے موجودہ حالات کو تسلیم کر لیا تو ہمارا حال بھیڑ بکریوں والا ہوگا۔انہوں نے کہا کہ ان کے جو ہینڈلرز سمجھتے ہیں کہ ہم ان چوروں کو تسلیم کر لیں گے، وہ بھول میں نہ رہیں۔تیاری مکمل کر رہا ہوں، جلد قوم کو کال دوں گا۔
چیئرمین تحریک انصاف نے چیف الیکشن کمیشن آف پاکستان کو تنقید کا نشانہ بناتے ہوئے کہا کہ پاکستان کا چیف الیکشن کمشنر چیف الیکٹورل فراڈ ہے۔ یہ چیف الیکشن کمشنر ن لیگ کے ساتھ مل کر میچ فکس کرتا ہے۔انہوں نے چیف الیکشن کمیشن کو مخاطب کرتے ہوئے کہا کہ ’سکندر سلطان سن لو اگر تم میں غیرت ہے تو استعفیٰ دو۔ ہم آپ کے خلاف قانونی کارروائی کریں گے۔
Menu