کراچی: پاکستان پیپلز پارٹی کے چیئرمین بلاول بھٹو زرداری سے جمعرات کو پاک افغان امور پر برطانوی وزیراعظم کے نمائندے نائجل کیسی نے بلاول ہاو¿س میں ملاقات کی جس میں باہمی دلچسپی کے امور سمیت دوطرفہ تعلقات پر بات چیت کی گئی ۔اس موقع پر برطانوی ڈپٹی ہائی کمشنر مائیک نتھیورئن ایکس موجودبھی موجود تھے ۔چیئرمین بلاول بھٹو زرداری اور نائجل کیسی کے مابین خطے میں استحکام کیلئے قیام امن کے تسلسل پر اتفاق رائے پایا گیا۔دونوں نے پاک برطانیہ تعلقات میں تسلسل کو جاری رکھنے کے عزم کا بھی اعادہ کیا ۔ بلاول بھٹو کا کہنا تھا کہ عالمی برادری کے ساتھ پاکستان کے تعلقات کو مزید بلندیوں تک پہنچانے کی ضرورت ہے۔انہوں نے کہا کہ پاکستان خطے میں امن کا خواہاں ہے اور ہم نے دہشت گردی کے خلاف جنگ میں بے پناہ قربانیاں دی ہیں، چیئرمین بلاول بھٹو زرداری نے مزید کہا کہ پاکستان خطے میں قیام امن کے حوالے سے اپنا بھرپور کردار ادا کرتا رہے گا۔
Menu