کراچی؛ مرکزی اطلاعات سیکریٹری پاکستان پیپلز پارٹی پارلیمنٹیرینز و رکن قومی اسمبلی شازیہ عطا مری نے کہا ہے کہ چیئرمین پیپلز پارٹی بلاول بھٹو زرداری کی ملک میں استحصالی قوتوں سے جنگ ہے اور 8 سالوں سے غریب عوام شدید مشکلات کاشکار ہیں جبکہ نوجوانوں کیلئے ملازمتوں کے دروازے بھی بند ہیں ۔شازیہ مری نے ان باتوں کا اظہار آج اپنے ایک جاری کردہ بیان میں کیا ہے۔ انہوں نے کہا اپنے بیان میں کہا کہ پیپلزپارٹی کی قیادت کا اصل جرم یہ ہے کہ وہ نوجوانوں کو باعزت روزگار دیتی ہے اور عوام کے کیلئے روزگار کے وسائل پیدا کرتی ہے۔ شازیہ مری نے کہا کہ موجودہ نالائق حکومت نے درمیانہ طبقے کو بھی غریب بنا دیا ہے، تعلیم یافتہ نوجوانوں کو لنگر خانے کا راستہ دکھا کر صلاحیتوں سے محروم کیا جا رہا ہے اور کہا کہ عوام بلاول بھٹو زرداری کا ساتھ دیں وہ کبھی مایوس نہیں کریں گے۔
Menu