کراچی : سابق وزیراعظم پیپلزپارٹی کے بانی چیئرمین شہید ذوالفقار علی بھٹو کی اہلیہ اور پیپلزپارٹی کی سابق چیئرپرسن بیگم نصرت بھٹو کا آج 10 واں یوم وفات (23 اکتوبر بروز ہفتہ) انتھائی عقیدت و احترام سے منایا جائے گا۔ پیپلزپارٹی کی سابق چیئرپرسن نصرت بھٹو نے شوہر کی پھانسی کے بعد پہلے پارٹی کو اور پھر فیملی کو سنبھالا دیا۔ بیگم نصرت بھٹو سیاسی تاریخ کا وہ منفرد کردار ہیں جہاں سکھ اور دکھ کا صحرا ایک شخصیت میں سما جائے۔ ذوالفقار بھٹو کی رفاقت ملی توعیش و عشرت کو پس پشت ڈال کر میدان سیاست کے کارزار میں اتر گئیں ۔ شوہر زندانوں میں اور پیپلزپارٹی خطرات میں تھی ۔ بیگم نصرت بھٹو نے عدالتوں اور جیلوں کے چکر کاٹے اور لاہور کی سڑکوں پر لہو لہان بھی ہوئیں۔ بیگم نصرت بھٹو نے شوہر کی پھانسی کے بعد پہلے پارٹی کو اور پھر فیملی کو سنبھالا دیا۔ کبھی ایک تو کبھی دوسرے بیٹے کی ناگہانی موت کا صدمہ برداشت کیا ۔ پے درپے صدمات سے اعصاب ٹوٹنے لگے تو پہلے کینسر اور پھر یاداشت کھو جانے کی بیماری نے نصرت بھٹو کو تنہا کر دیا۔ بے نظیر بھٹو کی موت نے تو اصفہان کی شہزادی نصرت بھٹو کے زخموں کا گھاو مزید گہرا کر دیا۔ بیگم نصرت بھٹو نے چار سال تک بیماری کا مقابلہ کیا اور پھر 23 اکتوبر 2011 کو ان کی سانس کی ڈوری ٹوٹ گئی اوروہ اس جہان فانی سے رخصت ہوگئیں۔
Menu