اسلام آباد :مسلم لیگ ن کے صدر اورقومی اسمبلی میں قائد حزب اختلاف شہبازشریف نے کہاہے کہ پارلیمنٹ کا مشترکہ اجلاس ملتوی ہونے کا مطلب ہے کہ کالے قوانین پر حکومت کو شکست ہوچکی،اپنے ارکان اور اتحادیوں کے عدم اعتماد کے بعد عمران نیازی کو مستعفی ہوجانا چاہئے،میدان میں مقابلہ کرنے کے دعوے کرنے والے میدان سے بھاگ گئے۔
تفصیلات کے مطابق پارلیمنٹ کے مشترکہ اجلاس کے التوا پر اپنے ایک بیان میں شہبازشریف نے کہا کہ حکومت کے اپنے ارکان اور اتحادیوں کے عدم اعتماد کے بعد عمران نیازی کو مستعفی ہوجانا چاہئے ،مشترکہ اجلاس کو ملتوی کرکے عمران صاحب نے یوٹرن کی اپنی روایت قائم رکھی،مشترکہ اجلاس جلد بازی میں بلانے اور پھر عجلت میں ملتوی کرنے سے حکومت کی غیرسنجیدگی عیاں ہے ۔انہوں نے کہا کہ قانون سازی جیسے حساس اور سنجیدہ معاملے کو بچوں کا کھیل بنادیا گیا ہے ،محسوس ہوتا ہے کہ گزشتہ روز کی شکست نے حکومت کو اجلاس ملتوی کرنے پر مجبور کیا ہے ،میدان میں مقابلہ کرنے کے دعوے کرنے والے میدان سے بھاگ گئے۔