پاکستان پیپلزپارٹی پارلیمنٹرینز کے سربراہ سابق صدر مملکت آصف علی زرداری نانا بن گئے بختاور بھٹو زرداری نے ٹوئٹ کے زریعے بیٹے کی ولادت کا اعلان کیا بلاول بھٹو زرداری اور آصفہ بھٹو زرداری نے خوشی کے اس موقع پر اپنے ٹوئٹر پیغام میں کہا کہ وہ آفیشلی ماموں اور خالہ بن گئے ہیں بختاوربھٹو زرداری کی جانب سے اپنے صاحبزادے کی ولادت کی اطلاع شیئر ہوتے ہی سماجی رابطوں کی ویب سائٹس پر پیپلزپارٹی کے مرکزی و صوبائی رہنماوں کی جانب سے مبارکباد کے پیغام کا سلسلہ شروع ہوگیا صوبائی وزرا امتیاز شیخ ،سعید غنی اویس قادرشاہ،گیان چند ایسرانی اوردیگر نے بختاور بھٹو محمود چوہدری اور دونوں خاندانوں کو مبارکباد دیتے ہوئے خوشیوں کا سلسلہ دراز رہنے کی دعا کی پیپلزپارٹی سمیت دیگر سوشل میڈیا اسٹار اور سیاسی جماعتوں کے رہنماوں نے بھی آصف علی زرداری،بلاول بھٹو زرداری کو بذریعہ فون،واٹس ایپ اور سماجی رابطوں کی ویب سائٹس کے زریعے تہنیتی پیغامات بھیجے ہیں صارفین نے اپنے پیغامات میں بھٹو خاندان کے ساتھ جذباتی لگاو کا ذکر بھی کیا اور کہا کہ کئی سالوں کے بعد بلاول ہاوس کے مکینوں کے لئے حقیقی خوشیوں کا موقع آیا ہے۔
Menu