سندھ میں کرونا کی صورتحال پر وزیر اعلی کا بیان

کراچی : وزیراعلیٰ سندھ سید مراد علی شاہ نے کورونا وائرس کی صورتحال بیان کرتے ہوئے کہا کہ گزشتہ 24 گھنٹوں میں 9 مریض انتقال کرگئے جبکہ498 نئے کیسز رپورٹ ہوئے اور585 افراد صحتیاب ہوئے ہیں ۔ وزیراعلیٰ سندھ نے کہا کہ گزشتہ 24 گھنٹوں میں11823 نمونوں کی جانچ کی گئی جس کے نتیجے میں 498 نئے کیسز سامنے آئے ہیں جو کہ تشخیص کی شرح کا4.2 فیصد ہے۔انہوں نے کہا کہ گزشتہ 24 گھنٹوں میں9 مریض انتقال کرگئے جس سے اموات کی مجموعی تعداد 7451 ہوگئی ہے جوکہ اموات کی شرح کا 1.6 فیصد ہے۔ وزیراعلیٰ سندھ نے کہا کہ اب تک 6097592 نمونوں کی جانچ کی جا چکی ہے اور460401 کیسز رپورٹ ہو چکے ہیں۔انہوں نے کہا کہ گزشتہ 24 گھنٹوں میں مزید 585 مریض صحتیاب ہو چکے ہیں جس سے صحتیاب افراد کی مجموعی تعداد431090 ہوچکی ہے جو کہ بحالی کی شرح کا 93.6 فیصد ہے۔ انہو ں نے کہا کہ اس وقت 21860 مریض زیر علاج ہیں جن میں سے 21503 گھروں میں ،31 آئسولیشن سینٹرز میں اور326 مریض مختلف اسپتالوں میں زیر علاج ہیں ۔ انہوں نے کہا کہ 321 مریضوں کی حالت تشویشناک بتائی گئی ہے جن میں سے 24 مریض وینٹی لیٹرز پر ہیں ۔انہوں نے کہا کہ صوبے کے 498 نئے کیسز میں سے 102 کا تعلق کراچی سے ہے جن میں ضلع جنوبی اور کورنگی 28۔ 28، ضلع شرقی 22،ضلع غربی 12، ضلع وسطی8 اور ملیر میں سے 4 نئے کیسز رپورٹ ہوئے ہیں اسی طرح حیدرآباد 114،سجاول 26، شہید بے نظیر آباد 24،تھرپارکر23، بدین 22،شکارپور اور ٹنڈو الہ یار20۔ 20، مٹیاری، سکھر اور سانگھڑ 19۔ 19،میرپورخاص 15، دادو 14،عمرکوٹ 13، گھوٹکی 12، جیکب آباد 11،ٹنڈو محمد خان 10، کشموراور لاڑکانہ 2۔ 2،ٹھٹھہ میں سے 1 نئے کیسز سامنے آئے ہیں۔