بلوچستان میں بغاوت کی سیاست کے روح رواں میر عبدالقدوس بزنجو دوسری مرتبہ وزیراعلی بلوچستان منتخب ہوگئے عبدالقدوس بزنجو کے حق میں 39ووٹ کاسٹ ہوئے کسی اور امیدوار نے وزیراعلی بلوچستان کے لئے کاغذات نامزدگی جمع نہیں کرائے تھے ڈپٹی اسپیکر بلوچستان اسمبلی بابرموسی زئی کی زیر صدارت بلوچستان اسمبلی کے اجلاس میں نئے قائد ایوان کا انتخاب کیاگیا جام کمال کو وزارت اعلی کے منصب سے ہٹانے کے لئے متحرک بلوچستان کی اپوزیشن جماعتوں نے نئے قائد ایوان کے انتخاب کے لئے ووٹنگ میں حصہ نہیں لیا جبکہ سابق وزیراعلی جام کمال بھی بلوچستان اسمبلی کے نئے قائد ایوان کی ووٹنگ عمل میں شریک نہیں ہوئے اس سے قبل عبدالقدوس بزنجو ن لیگ کے سردار ثنااللہ زہری کے استعفے کے بعد بلوچستان کے وزیراعلی بنے تھے اور دوہزار اٹھارہ کے عام انتخابات میں کامیابی کے بعد عبدالقدوس بزنجو اسپیکر بلوچستان اسمبلی تھےعبدالقدوس بزنجو بلوچستان عوامی پارٹی کے رکن ہیں نئے وزیراعلی بلوچستان عبدالقدوس بزنجو 2002میں پہلی مرتبہ اسمبلی رکن بنے تھے۔
Menu