عمارتیں ڈھانے سے تحریکیں ختم نہیں ہوتیں : آفاق احمد

کراچی: چئیرمین مہاجر قومی موومنٹ آفاق احمد کا کہنا ہے کہ عمارتیں ڈھاِئے جانے سے تحریکیں ختم نہیں ہوتیں،نظریہ کسی عمارت یا چاردیواری کا قیدی نہیں ہوتا، اگر ایسا ہوتا تو بیت الحمزہ کی مسمار ی کے ساتھ ہی ہماری تحریک بھی ختم ہوجاتی۔چئیرمین مہاجر قومی موومنٹ نے اپنے بیان میں کہاہے کہ نظر یہ دل و دماغ میں بستا ہے، میں نے ہمیشہ تحریکی ساتھیوں کو انمول سمجھا ہے،مہاجروں کو اقلیت میں تبدیل کرنے کی کوشش تباہ کن ہوگی، قیادت کا احترام نظم و ضبط قائم رکھنے کیلئے ضروری ہے تو نظریے سے وابستگی تحریک کی بقاء کیلئے ناگزیر ہے۔انہوں نے کہا کہ ملک کے فیصلے کرنے والوں نے مہاجروں کو ان کے جائز حقوق دینے کے بجائے انہیں طاقت سے کچلنے کی کوشش کی ہے۔کراچی میں کرائم کی بڑھتی ہوئی وارداتوں کے حوالے سے ان کا کہنا تھا کہ کراچی کے امن کیلئے غیر قانونی تارکین وطن خطرہ ہیں غیر مقامی اور غیر قانونی تارکین وطن کی سرکاری سرپرستی میں کراچی میں آباد کاری ایسی ہی کوشش ہےیہ لوگ غیر قانونی تعمیرات ہی نہیں غیر قانی کاروبارکے ذریعے ملک کو چلانے والے ٹیکس دھندہ کا کاروبار تباہ کررہے ہیں جو کراچی نہیں ملک کی تباہی کا سبب بنے گا، غیر مقامی اور غیرقانونی تارکین وطن لوٹ مار کے ساتھ شہریوں کو قتل کررہے ہیں, لوٹ مار اور شہریوں کے قتل میں ملوث افراد کی گرفتاریاں نہ ہونا لمحہ فکریہ ہے۔