برمنگھم (ڈیلی پاکستان آن لائن) نوبیل انعام یافتہ ملالہ یوسفزئی کے شوہر عاصر ملک نے شادی کے بعد پہلا پیغام جاری کردیا۔
عاصر ملک نے اپنی نئی نویلی دلہن کے ساتھ نکاح کے بعد کی تصویر شیئر کی ہے جس میں دونوں کیک کاٹتے ہوئے نظر آ رہے ہیں۔ ٹوئٹر پر اپنے پیغام میں عاصر ملک نے کہا کہ انہیں ملالہ کی شکل میں سب سے زیادہ مدد کرنے والی دوست ، ایک خوبصورت اور مہربان ساتھی ملی ہے ، وہ اس کے ساتھ اپنی پوری زندگی گزارنے کیلئے پرجوش ہیں۔
انہوں نے نکاح پر مبارکبادیں دینے والوں کا بھی شکریہ ادا کیا ۔ عاصر ملک نے کیک کاٹنے کو پاکستان کرکٹ ٹیم کی روایت قرار دیتے ہوئے بتایا کہ انہوں نے اسی روایت پر عمل کیا ہے ، کیونکہ گرین شرٹس بھی میچ جیتنے کے بعد کیک کاٹتے ہیں۔