ابوجہ (ویب ڈیسک) ریاست جیگاوا میں کشتی ڈوبنے سے سات لڑکیاں ڈوب کر ہلاک ہوگئیں جبکہ تین کو بحفاظت نکال لیا گیا۔کشتی کے ملاح نے لڑکیوں کو لے جانے سے منع کرتے ہوئے کہا تھا کہ کشتی کو خود چلا کر دریا عبور کرلیں جس پر ایک گاؤں سے دوسرے گاؤں اپنے گھر جانے کے لیے بچیوں نے کشتی خود چلانے کی کوشش کی تھی۔
عالمی میڈیا کے مطابق ریاست جیگاوا میں 10 سے 12 برس کی لڑکیاں ایک تقریب میں شرکت کے بعد کشتی میں واپس آتے ہوئے حادثے کا شکار ہوگئیں ، تاحال حادثے کی وجہ کا تعین نہیں کیا جا سکا ہے۔ انکوائری کمیٹی تشکیل دیدی گئی ہے۔