کراچی :پاکستان پیپلزپارٹی کے چیئرمین بلاول بھٹو زرداری کو جمعہ کے روزقائد حزب اختلاف شہباز شریف نے فون پر رابطہ کیا۔اس موقع پر دونوں سیاسی رہنماﺅں کے درمیان ملکی سیاسی صورت حال پر تبادلہ خیال کیاگیا ۔انہوں نے ملک میں بدترین مہنگائی کے بعد عوامی مسائل کے حوالے سے بھی گفتگوکی۔ دونوں قومی سیاسی رہنماﺅں نے پارلیمان میں اپوزیشن کی مشترکہ حکمت عملی کے حوالے سے بھی بات چیت کی۔اس موقع پر چیئرمین بلاول بھٹو زرداری کا کہنا تھا کہ ریلیف کا لالی پاپ دے کر عمران خان نے عوام کو تکلیف میں مبتلا کردیاہے۔سلیکٹڈ حکومت کا ہر گزرتا دن عوام کے مسائل میں اضافہ کررہا ہے ۔بلاول بھٹو زرداری کا یہ بھی کہنا تھا کہ مہنگائی کی وجہ سے پی ٹی آئی حکومت کے خلاف عوام کے صبر کا پیمانہ لبریز ہوچکا ہے۔
Menu