کراچی :وزیراعلیٰ سندھ سید مراد علی شاہ کی جانب سے وزیراعلیٰ ہاؤس کے بینکوئیٹ ہال میں عید میلادالنبیﷺ تقریب کا اہتمام۔
عید میلادالنبی ﷺکا انتظام وزیراعلیٰ کے مشیر برائے مذہبی امور فیاض بٹ نے کیا۔ میلاد میں ملک کے ممتاز نعت خواں صدیق اسماعیل، عمران شیخ عطاری، غلام شبیر یوسفی، حسن شبیر یوسفی، حسن بن خورشید، محمد کامران قادری اور ریحان قادری نعتیں پڑھیں گے، پروگرام کی میزبانی سید سلمان گل کررہے ہیں۔
جشن عید میلادالنبی میں بحرین، بنگلادیش ، انڈونیشیا، ایران، اومان اور قطر کے قونصل جنرل/ڈپٹی ہائی کمشنرز کی خصوصی شرکت۔
صوبائی وزراء، مشیران، معاونین خصوصی، صوبائی اسمبلی ارکان، علماء دین، مذہبی اسکالرز، وائیس چانسلرز، چیف سیکریٹری، آئی پولیس، صوبائی سیکریٹریز اور کاروباری شخصیات کی شرکت ۔تقریب کا آغاز تلاوت قرآن پاک سے شروع ہوا ۔وزیراعلیٰ سندھ نے تمام مہمانوں، علماء دین ، نعت خوانوں کو خوش آمدید کیا۔خوبصورت تلاوت اور نعت خوانوں نے خاص سماں باندھ دیا۔