کورونا وائرس صورتحال: مزید 6 مریض لقمہ اجل اور 590 دیگر متاثر
کراچی : گزشتہ 24 گھنٹوں کے دوران کورونا وائرس کے مزید 6 مریض انتقال کرگئے جس سے اموات کی تعداد 7520 ہو گئی ہے جبکہ 18323 ٹیسٹ کرنے سے 590 نئے کیسز سامنے آئے ۔ یہ بات وزیراعلیٰ سندھ سید مراد علی شاہ نے جمعرات کو وزیراعلیٰ ہاؤس سے جاری ایک بیان میں کہی۔انہوں نے مزید کہا کہ کورونا وائرس کے مزید 6 مریضوں نے اپنی جانیں گنوائیں جس سے اموات کی تعداد 7520 ہوگئی ہے جو کہ شرح اموات کا 1.6 فیصد ہے۔ مراد علی شاہ نے کہا کہ 18323 ٹیسٹ کئے گئے جس میں سے 590 کیسز کا پتہ چلا جوکہ 3.2 فیصد موجودہ تشخیصی شرح ہے۔ انہوں نے مزید کہا کہ اب تک 6190425 ٹیسٹ کئے جا چکے ہیں جن کے نتیجے میں463838 کیسز کی تشخیص ہوئی ان میں سے 93.8 فیصد یعنی 435061 مریض صحتیاب ہو چکے ہیں جن میں گزشتہ 24 گھنٹوں کے دوران صحتیاب ہونے والے 814 مریض بھی شامل ہیں۔ وزیراعلیٰ سندھ نے کہا کہ اس وقت 21257 مریض زیر علاج ہیں ان میں سے 20958 گھروں میں ، 28 آئسولیشن مراکز میں اور 271 مختلف اسپتالوں میں ہیں۔ انہوں نے مزید کہا کہ 264 مریضوں کی حالت تشویشناک بتائی گئی ہے جن میں 21 کو وینٹی لیٹرز پر منتقل کیا گیا ہے۔ بیان کے مطابق 590 نئے کیسز میں سے 145 کا تعلق کراچی سے ہے جن میں 52 جنوبی ، 28 شرقی ، وسطی 26 ، کورنگی 19 ، ملیر اور مغربی 10-10ہیں۔ کشمور میں 71 ، بدین 46 ، حیدرآباد 44 ، شہید بینظیر آباد 33 ، جامشورو 30 ، ٹنڈو محمد خان 29 ، سجاول 25 ، سانگھڑ 20 ، میرپورخاص 19 ، ٹنڈو الہیار 18 ، تھرپارکر 17 ، سکھر اور ٹھٹھہ 13-13، گھوٹکی اور شکار پور 12-12، عمرکوٹ 11 ، جیکب آباد اور لاڑکانہ 10-10اور دادو 5 کیسز ہیں۔ وزیراعلیٰ سندھ نے صوبے کے عوام پر زور دیا کہ وہ ایس او پیز پر عمل کریں۔